Әлки районында “Бала – төп пассажир” дип аталган кисәтү акциясе үткәрелә
Ай ахырына кадәр районда “Бала – төп пассажир” дип аталган кисәтү акциясе үткәрелә.
Бу көннәрдә ЮХИДИ инспекторлары балаларны машинада махсус утыргычсыз йөртүчеләргә, балигъ булмаганнарның юл йөрү кагыйдәләрен ничек белүләренә һәм үтәүләренә аеруча игътибарлы булачак.
Акциянең беренче көне нәтиҗәләре мондый: юл инспекторлары нәни пассажирларын махсус кәнәфисез утыртып йөртүче 6 кешене туктатканнар. Аларның барысына карата беркетмә төзелеп 3 әр мең сум штраф салынган.