ՌԴ-ում բնակվող դիմահարդար Գոհար Ավետիսյանը խոսել է Մոսկվայում հանդիպած դժվարությունների մասին
Ռուսաստանաբնակ դիմահարդար Գոհար Ավետիսյանը, որն ամենահայտնի բյութի-բլոգերն է Ռուսաստանում, պատմել է Մոսկվայում իր կյանքի և մասնագիտական հաջողությունների մասին:
«Ես խնդիրներ եմ ունեցել, երբ ինձ չէին ընդունել, քանի որ ես Հայաստանից էի: Ուշադրություն էին դարձնում ձեռքի մազերին, գեր էին անվանում: Ես կարծում եմ՝ դա ինձ մեծապես օգնել է, քանի որ ես բարկանում էի, և այդ բարկությունն օգնում էր ինձ ավելի լավը դառնալ և տրորել բոլորի քթերը», - հայտնի դիմահարդարին մեջբերում է Rusarminfo-ն:
25-ամյա Գոհարը պատմել է, որ ծնվել է Հայաստանի Մարտունի քաղաքում, որտեղից ծնողների հետ մանուկ հասակում տեղափոխվել է Մոսկվա:
Ոճաբանը նշել է նաև, որ մասնագիտական հաջողության հասել է նախքան Instagram-ում գրանցվելը, իսկ գովազդ իրեն ապահովում էին հայ, ադրբեջանցի և հրեա հարսնացուները, որոնց հարսանիքներին շուրջ 500 հյուր էր լինում: Իր առաջին հոնորարը 1500 ռուբլու չափով նա ստացել է 15 տարեկանում:
Խոսելով ամուսնու՝ Վաղիկի հետ ծանոթության մասին՝ Գոհարը նշել է, որ դա համացանցային սովորական ծանոթություն է եղել, որը վերաճել է լուրջ հարաբերությունների: