Այս մրցաշրջանում մեր մրցակիցներն ավելի լավ հանդես կգան. Գվարդիոլա
«Մանչեսթեր Սիթիի» գլխավոր մարզիչ Խոսեպ Գվարդիոլան կարծում է, որ այս մրցաշրջանում իր թիմի համար ավելի բարդ կլինի դառնալ Անգլիայի Պրեմիեր լիգայի չեմպիոն.
«Մենք կարող ենք մեր աշխատանքը լավ կատարել, բայց ամեն ինչ միայն մեզանից կախված չէ: Կարծում եմ՝ այս մրցաշրջանում մեր մրցակիցներն ավելի լավ հանդես կգան:
«Լիվերպուլը», «Մանչեսթեր Յունայթեդը», «Տոտենհեմը», «Արսենալը» և «Չելսին» այս տարի կարող են ավելի լավ խաղալ և պայքարել Պրեմիեր լիգայի չեմպիոնի կոչման համար: Մենք կարող ենք անկրկնելի լինել, սակայն մյուս թիմերն էլ կարող են բարձր մակարդակով հանդես գալ: Չի կարելի բացառել այս թիմերի չեմպիոն դառնալու տարբերակները»,- Գվարդիոլայի խոսքը մեջբերել է «Sky Sports»-ը: