Մասթերս շարքի մրցաշարերում հաղթելը շատ բարդ է. Նադալ
Աշխարհի առաջին ռակետ Ռաֆայել Նադալը, ով Տորոնտոյի «Մասթերս-1000» շարքի մրցաշարի եզրափակչում 6:2, 7:6 (7:4) հաշվով հաղթել է հույն Ստեֆանոս Ցիցիպասին, հաղթանակի վերաբերյալ իր մեկնաբանությունն է տվել.
«Եթե մի քանի շաբաթ առաջ որևէ մեկն ասեր, որ հաղթելու եմ Տորոնտոյում, դժվար կլիներ հավատալ դրան: Ինչ խոսք՝ հիանալի սկսեցի հյուսիսամերիկյան մրցումները: Սա շատ կարևոր հաղթանակ է, քանի որ ամեն օր չէ, որ կարող ես հաջողության հասնել «Մասթերս» շարքի մրցաշարում: Ես շատ ուրախ եմ:
Կանադայում 4-րդ հաղթանակը տոնեցի, և այս տիտղոսը 80-րդն է իմ կարիերայում: Սա հիանալի նորություն է, սակայն ինձ համար ավելի կարևոր է այն, որ հենց «Մասթերսում» հաղթեցի: Երբեմն այս մրցաշարերում հաղթելն ավելի բարդ է, քան «Grand Slam» նվաճելը»,- Նադալի խոսքը մեջբերել է ATP-ի մամուլի ծառայությունը: