ՀՅԴ-ն ամենայն հավանականությամբ կմասնակցի Երևանի ավագանու ընտրություններին. ՀՅԴ ԳՄ անդամ
«Հայ Յեղափոխական Դաշնակցությունն» ամենայն հավանականությամբ կմասնակցի Երևանի ավագանու ընտրություններին. Tert.am-ի հետ զրույցում այս մասին ասաց ՀՅԴ ԳՄ անդամ Արթուր Եղիազարյանը:
«Քննարկում ենք մեր Երևանի քաղաքային կոմիտեի հետ և ամենայն հավանականությամբ կմասնակցենք ընտրություններին»,-ասաց նա:
Թե ով կգլխավորի ցուցակը, ով էլ կլինի նաև կուսակցության քաղաքապետի թեկնածուն, Արթուր Եղիազարյանը նշեց, որ դեռևս որոշում չկա:
«Քննարկման փուլում է»,-ասաց նա:
Դիտարկմանը, որ ըստ մամուլի՝ որոշումից հետո, հավանական է, որ կլինի կին թեկնածու, Եղիազարյանը պատասխանեց. «Ոչինչ չի բացառվում, մենք տարբերակներ շատ ունենք, բայց դեռևս կոնկրետացված որոշում չկա, որ այս պահին խոսենք»։