АНДИЖОН – "Туғруқхонадан кўра сомонхона афзалроқ!"

ШАҲРИХОН. "Андижон вилояти Шаҳрихон туманидан ёзмоқдамиз. Туманимиздаги туғуруқхоналар жуда аянчли ҳолатга тушиб қолган. Тасаввур қилинг, туғуруқхонага оғироёқ аёлингизни олиб келдингиз. Бу ерда ҳатто биринчи ёрдам кўрсатиш учун шароит йўқ. Дори-дармонни-ку айтмай қўяқолай. Ҳатто шприц ҳам йўқ. Оёқни қўлга олиб дорихонага югурасиз. УЗИ қилдириш зарурми, унда бошқа шифохонага олиб бориб келишингиз керак.


Туғуруқхоналар санитария талабларига жавоб бермайди. Шу аҳволда янги туғилган чақалоқларни сақлаб туриш мумкинми?!


Ёз кунларида хоналар ҳаммомдек иссиқ, қишда эса совуқ. Шифокорлар ҳам кўнгли тош бўлиб кетган шекилли, беморларга кўп парво ҳам қилмайди.


Муболаға эмас, аянчли аҳволдаги туғруқхонадан кўра молхонадаги сомон устига гилам солиб туғдирган яхши!


Миллатнинг эртаси туғруқхоналардаги шарт-шароитга боғлиқ. Туғруқхоналар рисоладагидек таъмирлаб жиҳозланмас экан, оналар ва болалар ўлими камаймайди".


​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************






Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************


Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​