УКМК: Сириядан кайткан кыргызстандык кармалды

“Сирия-Ирак согуш зонасынан кайтып, Кыргызстанда террордук акцияларды уюштурууну көздөгөн кыргыз жараны кармалды” деп билдирди 24-июлда Улуттук коопсуздук боюнча мамлекеттик комитет (УКМК).


Мекеменин маалымат кызматы билдиргенине караганда, кармалган адам 2016-жылы эл аралык террордук уюмдун курамында болуп, Сирияда өкмөттүк күчтөргө каршы активдүү согуштук аракеттерге катышкан. Ал эми 2017-жылы Кыргызстанда “аскердик жихад” жүргүзүү үчүн кайтып келген.


Атайын кызматтын Тергөө органдары иликтөө жүргүзүүдө.