Қазақстандық «Эл Фриман» көркем фильмі Мадрид кинофестиваліне қатысады
АСТАНА. ҚазАқпарат - «Эл Фриман» көркем фильмі үстіміздегі жылдың 21-28 шілде аралығында Мадрид қаласында өтіп жатқан халықаралық кинофестивальге қатысады. Мәдениет және спорт министрлігінің тапсырысы бойынша Ш.Айманов атындағы «Қазақфильм» АҚ жарыққа шығарған кинотуынды «Үздік оператор» және «Үздік режиссер-дебютант» номинацияларында бақ сынайды, деп хабарлайды ҚазАқпарат «Қазақфильмнің» баспасөз қызметіне сілтеме жасап.