Балыклы Чүкәйдә ветераннарны зурлап кунак иттеләр ( фотолар)
4 март көнне безнең Балыклы-Чүкәй авылы китапханәсендә, мәдәният йорты белән берлектә Бөек Җиңүнең 70 еллыгына “Сугыш яралары бетәрме?” дигән тыл ветераннарына медаль тапшыру кичәсе булды
.Медальләрне Балык-бистәсе районы башлыгы урынбасары Рөстәм Гильманов тапшырды. Әбиләр – тыл ветераннары , сугыш чоры балалары хәтер йомгакларын сүттеләр. Фәһимә , Минҗамал әбиләрнең әтиләре,икешәр абыйлары сугыш кырында ятып калганнар.Кичә чәй табыны артында җырлар, сөйләүләр белән аралаштырып барылды.Әбиләр үзләре үк җырлап ,биеп тә алдылар. Кичә беркайчан да сугышлар булмасын дигән теләктә тәмамланды.
Илалова Индира,
китапханәче.