Златан Бекхэм билан баҳс бойлашиб ютқазди: баҳс нимадан иборат бўлган?
0
«Лос-Анджелес Гэлакси» клуби ҳужумчиси Златан Иброҳимович Англия терма жамоасининг собиқ сардори Дэвид Бекхэм билан бўлган баҳс бойлашуви ҳақида гапириб ўтди.
Златан ва Бекхэм ЖЧ-2018 1/4 финал Швеция ва Англия ўйини олдидан баҳс бойлашган эди. Бекхэм Швеция ғалаба қозонса Златанни IKEA дўконига олиб бориб, истаган нарсасини олиб бериши керак эди.
Швециялик футболчи эса Англия ғалаба қозонса, «Уэмбли»га Англия термаси ўйинига Бекхэм футболкасида келиб «фиш-энд-чипс» тановул қилиши керак эди.
«Дэвид, биз баҳслашган эдик. Мен ютқаздим. Энди «Уэмбли»га бориб, Англия терма жамоаси ўйини сенинг футболкангда кўриб «фиш-энд-чипс» тановул қиламан.
Менга мағлубиятдан кейин нафас олишга ва ўзимни босиб олиш учун вақт бер. Лекин ҳаммаси яхши. Ўйинни кутаман», - дейди Златан.
Манба: www.uff.uz