Зәйдә юлчылар эшкә кереште
“Татнефтедор” автомобиль юллары идарәсенең Зәй филиалы юллардагы чокырларны ямауга кереште. Бу эш тимер юлы кичүеннән башланды, бүгенге көндә исә юлчылар Зәй - Әлмәт трассасының Акташ авылы тирәсендәге юлны төзекләндерү белән мәшгуль. Чокыр-чакыр салкын асфальт белән ямала. Узган елда оешма 12 мең квадрат мәйданда чокыр ямалган булган. Моның өчен 11500 тонна асфальт кирәк булган. Юлчылар агымдагы елда да шул дәрәҗәдә чокырлар ямаячак. Тиз көннәрдә оешманың мини асфальт заводы эшләячәк.