Էլիզաբեթ Երկրորդ թագուհին հրաժարվում է վիրահատությունից՝ միջոցառումները բաց չթողնելու համար
Մեծ Բիտանիայի թագուհի Էլիզաբեթ Երկրորդը հրաժարվում է ծնկների հատվածում անհրաժեշտ վիրահատությունից, որպեսզի բաց չթողնի ծրագրված ընդունելությունները:
Ինչպես հաղորդում է Euromag-ը, 92-ամյա թագուհին դժվարությամբ է բարձրանում աթոռից: Լոնդոնում անցկացվող ավանդական ծաղկային շոուի ժամանակ նա ընկերներին գանգատվել էր, որ իր ծնկները «կամակորություն են անում»:
Աղբյուրի տեղեկացմամբ՝ թագուհին հրաժարվում է վիրահատություն անելուց, քանի որ դրանից հետո նրան երկար ժամանակ պետք կգա վերականգնվելու համար: «Նա անհավանականորեն խիզախ է և չի ցանկանում աղմուկ բարձրացնել»,- նշել է աղբյուրը:
Նշվում է, որ թագուհին մայիսին աչքերի վիրահատության էր ենթարկվել՝ հեռացնելով կատարակտը: Այդ պատճառով նա միջոցառումներին այցելում էր արևային ակնոցով: Այնուամենայնիվ, իր թոռան՝ արքայազն Հարիի հարսանիքին, որը կայացել էր մայիսի 19-ին, թագուհին եկել էր առանց ակնոցի:
Թագուհին հայտնի է քաջ առողջությամբ: Չնայած պատկառելի տարիքին՝ նա կանոնավոր կերպով ձիավարում է, երբեմն էլ ինքնուրույն մեքենա է վարում: Էլիզաբեթ Երկրորդը երկրի սահմաններից դուրս չի գալիս, սակայն ակտիվ հասարակական աշխատանք է կատարում: