Dört yıl içinde Qırımda 100 biñge yaqın terekke balta uruldı – ekolog
«Aqyarda çalı ve terek olaraq, onar biñ ösümlik aqqında aytmaq mumkün. Bizde olarnı «Tavrida» trassasını qurğandan ğayrı, tamir esnasında yol kenarlarından ve şeer merkezinde bile pıçıp almağa bağladılar. Umumen Qırımnı alacaq olsaq, belki yüz biñge yaqın terekke balata urulğanı aqqında aytmaq mumkündir», – dep qayd etti ekolog.
Margarita Litvinenko kesen-kes raqamnı aytmaq qıyın olğanı, ancaq söz onlarnen biñ terek aqqında ketkenini ayttı. Bu arada ekolog hastalıq ve zararlı aşeratlar zararlanğanlar ösümlikler aqqında ketmegenini qayd etti.
Mevzunen bağlı olaraq: 200 yıllıq zarar faaller Gasprada qırımızı kitapqa kirgen ösümliklerni ne şekilde qurtarmaqta
«Terekler hastalansa bile, olarnı tedavi etmek mumkün. 99,9% allarda bularnıñ epsi boş laf. Aynı şekilde terekler qartaydı dep aytıla. Medeniy devlerlerde böyle tereklerni aksine, saqlap qalmağa tırışalar, çünki olar tabiat tarihı ola, bizde ise, aksine kesip atıla», – dep yekünley Litvinenko.
Baarde Aqmescitniñ rusiyeli ükümeti park ve skverlerde pek çoq terekke baltı urıp çıqtı. Memurlar, yalıñız telükeli terekler kesilip alınacağını iddia etip, yerine yañı fidanlar oturtılacağına söz bergen ediler.
Aqmescit sakinleri ictimaiy ağlarda daa evel Yuriy Gagarin parkınıñ rekonstruktsiyasını muzakere etken ediler. Şeer sakinleri iş keyfiyeti ve tereklerniñ ğayıp etilgeninden memnün qalmadılar.
Videoblog qaydlarına köre Gasprada büyük miqdarda çam, ardıç ve fıstıq terekleriniñ pıçılıp alınğanı aqqında belli oldı. Yerli faaller, ğayıp etilgen terekler arasında bir qaç yüz yıllıq terekler olğanını iddia etmekte.