İtaliyada siyasi böhran yaranıb
Prezident Sergio Mattarella belə bir qərar verəndən sonra populistlərin baş naziri Giuseppe Conte kabineti tamamlamaq, yeni hökumət yaratmaq yönündəki işini dayandırıb.
Mattarella xalqa müraciətində deyib ki, avroskeptik Liqanın və 5-Ulduz Hərəkatının 81 yaşlı namizədi Paolo Savona-nı iqtisadiyyat naziri postuna qəbul etməyib.
Prezident hökumətə digər namizədləri təsdiqlədiyini, Savona-nın təsdiqlənməsinin isə maliyyə bazarlarına və İtaliya iqtisadiyyatına mənfi təsir göstərəcəyini söyləyib.
Onun deməsinə görə, İtaliyanın avrodan imtinasını dəstəkləməyən birinin bu posta namizəd irəli sürülməsini xahiş edib.
Savona avronu “alman qəfəsi” adlandırıb, İtaliyanın “gərəkərsə”, vahid valyutadan imtina planına ehtiyac olduğunu vurğulayıb.