Нови протести во Грција за „грчкиот карактер на Македонија“

Организаторите на протестите за „грчкиот карактер на Македонија“, за 6 јуни, закажаа нови, паралелни демонстрации низ повеќе градови во Грција.


Последните случувања во преговорите за името е главниот повод за новите активности, според „Комитетот за борба за грчкиот карактер на Македонија“ што се јавува како организатор.


По Солун и Атина, како што соопштуваат организаторите, сега се во контакт со локалната администрација за одржување протести во други градови, но и за добивање поддршка „во борбата на грчките граѓани против распродавањето на името на Македонија“.


„Преку овие протести, Комитетот за борба за грчкиот карактер на Македонија ќе се обиде да ги потсети политичарите во земјата дека грчкиот народ донесе одлука во врска со името на Македонија и бара примена на одлуките“, соопштија организаторите.