57-ամյա կինոաստղ Հյու Գրանտն առաջին անգամ կամուսնանա
Բրիտանացի դերասան Հյու Գրանտն առաջին անգամ կամուսնանա: Այս մասին հայտնում է Sky News-ը:
Աղբյուրը մանրամասնում է, որ 57-ամյա դերասանի ընտրյալ է դարձել 39-ամյա պրոդյուսեր Աննա Էբերստեյնը: Ամուսնության դիմումը ներկայացվել է Լոնդոնի Չելսի թաղամասի ՔԿԱԳ:
Նշվում է, որ զույգն արդեն երեք զավակ ունի: Երրորդ երեխան, որի անունը և սեռը մինչ օրս հայտնի չեն, ծնվել է սույն թվականի մարտին: 2012 թվականին Աննան և Հյուն որդի են ունեցել, իսկ երեք տարի անց՝ դուստր:
Հայտնի է, որ դերասանը ևս երկու երեխա ունի իր նախկին ընկերուհի, չինացի դերասանուհի Տինլան Հոնգից: