Помпео АҚШнинг Эрон бўйича янги сиёстини эълон қилади
Америка расмийлари Помпео Вашингтонда консерватив Heritage жамғармасида Эрон бўйича йўл харитасини эълон қилишини билдирди.
Бундан икки ҳафта аввал АҚШ президенти Дональд Трамп Вашингтон Теҳроннинг ядровий дастури бўйича Эрон ва жаҳоннинг қудратли давлатлари ўртасида 2015 йил имзоланган келишувдан чиқишини эълон қилган эди.
Келишувда Эрон ядровий дастури чекланиши эвазига Теҳронга қарши жорий қилинган иқтисодий санкцияларни бекор қилиш кўзда тутилган.
Расмий номи “Қўшма тадбирлар мукаммал режаси” бўлган келишувни АҚШдан ташқари Хитой, Россия, Франция, Германия ҳамда Британия имзолаган.
АҚШнинг келишувдан чиқиш қарорини Европа давлатлари кесин танқид қилди. Улар Вашингтон иштирокисиз шартномани сақлаб қолишга уринмоқда.
Хитой ва Россия ҳам келишувни қўллашда давом этиш тарафдори.