Playboy-ի միլիոնատեր աստղի ժառանգը խանութ է թալանել 60 դոլարի համար  

Ամերիկյան Playboy ամսագրի աստղ Ֆեռա Ֆոսեթի որդին՝ Ռեդմոնդ Օ'Նիլը ոչ մեծ խանութ է ներխուժել թալանելու նպատակով: 

Ինչպես հայտնում է Lenta.ru-ն, մի քանի միլիոն դոլարի 33-ամյա ժառանգորդը դանակի սպառնալիքով 60 դոլար է վերցրել գանձարկղից և թաքնվել դեպքի վայրից, սակայն շուտով ձերբակալվել է: Նրան կալանքի տակ են առել՝ 50 000 դոլարի գրավ սահմանելով ազատ արձակվելու համար:

Աղբյուրի հաղորդմամբ՝ կողոպուտ իրականացնելիս Օ'Նիլը թմրանյութերի ազդեցության տակ է գտնվել: Նշվում է նաև, որ սա նրա առաջին հանցագործությունը չէ: 2008-ին նրան ձերբակալել էին թմրանյութ պահելու և ոչ սթափ վիճակում մեքենա վարելու համար, իսկ 2011-ին նրա մոտ հերոին են հայտնաբերել: 2015-ին նրան 3 տարվա ազատազրկման էին դատապարտել փորձաշրջանի պայմանները խախտելու համար:

Նրա մայրը՝ Ֆեռա Ֆոսեթը մոդել և դերասանուհի է եղել: Առավել մեծ ճանաչում նա ձեռք է բերել 1995-ին, երբ նկարահանվել է Playboy ամսագրի համար: Նա մահացել է 2009-ին՝ իր միլիոնները ժառանգություն թողնելով որդուն, որը սահմանափակ հասանելիություն ունի այդ գումարին և կարող է ծախսել միայն առողջության համար: