Хоразмда туман ҳокимининг муовини одам савдосида айбланмоқда
Ўзбекистон Республикаси Давлат хавфсизлик хизматига кўра, ҳоким ёрдамчиси Жанубий Кореяга шартнома асосида ишга жўнатиш учун икки нафар фуқародан саккиз минг доллар олаётган вақтида қўлга олинган.
Дастлабки терговолди суриштируви вақтида у шу вақтга қадар 12 нафар фуқародан жами 22400 доллар олганлиги аниқланган.
У юқорида айтиб ўтилган ҳолатлар бўйича айбига тўлиқ иқрорлигини билдирди, - дейилади ДХХ билдирувида.
Ҳозирда ушбу ҳолат бўйича ҳоким ўринбосарига нисбатан Жиноят кодексининг Одам савдоси ва қаллоблик бандлари бўйича жиноят иши қўзғатилган.