ДХХ фирибгарлик қилган ҳоким ёрдамчисини қўлга олди (Видео)
"O`zbekiston 24" телеканали хабарида айтилишча, ДХХнинг Хоразм вилояти бошқармаси ходимлари ҳамда Бош прокуратура ҳузуридаги Департамент ходимлари билан ҳамкорликда фирибгарлик жинояти билан боғлиқ тадбир уюштиришди.
Тадбир давомида аниқланишича, 1989 йилда туғилган Отаназаров Умурбек Қўшкўпир туман ҳокимининг ёрдамчиси сифатида фаолият юритиб келиб, фуқароларни Жанубий Кореяга ишга юборишга ваъда бериб, уларнинг ишончига кириб фирибгарлик билан шуғулланиб келган.
Умурбек Отаназаров икки нафар фуқарони Жанубий Кореяга шартнома асосида ишга юборишини айтиб, 8 минг АҚШ долларини фирибгарлик йўли билан олаётган вақтида қўлга олинган. Суриштирув даврида эса унинг 12 фуқародан худди шу йўл билан 22 минг 400 АҚШ доллари олгани аниқланган.
Ҳозирда, ушбу ҳолат юзасидан Ўзбекистон Республикаси Жиноят Кодексига биноан жиноят иши қўзғатилган.