Исроил Суриянинг атом реакторини вайрон қилганини тан олди
Исроилнинг бундан 10 йил муқаддам амалга оширган операцияси тўғрисидаги бу баёноти Суриядаги ҳарбий ҳозирлигини кучайтираётган Эронга огоҳлантириш сифатида баҳоланмоқда.
Эроннинг Сурияда доимий ҳарбий базалар қураётганига қарши чиқаётган Исроил ўтган ойда Эронга қарашли дронни отиб тушириб, Теҳронни ўз ҳаво майдонини бузганликда айблаган.
Ядровий қуролларни тарқатмасликка доир 1970 йилги шартномани имзолаган Сурия ҳукумати Исроил ҳаводан зарба берган жойда атом реактори бўлганини ва уни жиҳозлаш учун Дамашқ Шимолий Корея билан ҳамкорлик қилганини инкор этиб келган.