Украинанын "Нафтогазы" Орусиянын "Газпромун" соттон утту
2014-жылдын июнь айында "Газпром" менен "Нафтогаз" бири бирин айыптап, миллиарддаган долларга доо коюп, коммерциялык чырларды териштирген эл аралык сотко кайрылган.
"Нафтогаз" "макулдашылган көлөмдө Украина аркылуу газ өткөрбөгөнү үчүн "Газпром" кенемте төлөшү керек, транзит үчүн өтө аз акы төлөп жатат" деп сотко кайрылган.
"Сот мурда "Нафтогаз" газ менен камсыздоону кечиктиргени үчүн "Газпромго" акча төлөөгө милдеттендирген мурдагы чечимди эске алганда "Газпром" бизге 2 млрд. 560 млн. доллар төлөшү керек", деди "Нафтогаздын" басма сөз катчысы Елена Осмоловская.
Талаш Киев менен Москванын мамилеси бузулган маалга, Орусия Крымды каратып алып, Донбасста жикчилдер баш көтөргөн учурга туш келген.