Ռուս մարզիկները դատի են տվել Ռոդչենկովին
The New York Times-ը հաղորդում է, որ ռուս օլիգարխ Միխայիլ Պրոխորովն է օգնում ֆինանսավորել դատական հայցը:
Ռոդչենկովի բացահայտումներից հետո, հիշեցնենք, ռուսաստանցի բազմաթիվ մարզիկներ որակազրկվեցին և չկարողացան մասնակցել այժմ ընթացող ձմեռային Օլիմպիադային:
Հիշեցնենք նաև, որ այս ամսվա սկզբին Լոզանում գտնվող մարզական արբիտրաժային դատարանը բավարարել է 28 ռուս մարզիկների վերաքննիչ բողոքն ու չեղարկել Միջազգային օլիմպիական կոմիտեի (ՄՕԿ) որոշումը, որով նրանք ցմահ զրկվել էին Օլիմպիական խաղերին մասնակցելու իրավունքից: