Шарқи Туркманистон 1 моҳ аст, ба сафари президент омодагӣ мебинад
Бино ба хабарҳо, санҷиши фурӯшгоҳҳои маҳаллӣ, мусодираи муваққати силоҳҳои шикорӣ аз сокинон, корҳои ободонӣ дар кӯчаву хиёбонҳои марказии вилояти Лебап идома доранд. Ба гуфтаи хабарнигори бахши туркмании Радиои Озодӣ, интизор меравад, президент Бердимуҳаммадов дар ҷараёни ин сафараш ба вилояти Лебап дар маросими ифтитоҳи фурудгоҳи шаҳри Туркманобод иштирок кунад.
Манобеъ мегӯянд, кормандони корхонаҳое, ки қарор аст президенти Туркманистон 25 феврал аз онҳо боздид кунад, аз соати 11-и шаб ба кор мебароянд. "Онҳо аз субҳ то нисфирӯзӣ меистанд ва сокинон аз соати 14:00 то бегоҳ хоҳанд истод", - гуфтанд онҳо.
Иштирокдорони маросимҳои мазкур ҳамчунин вазифадоранд, ки талаботи марбут ба симои зоҳирии худро низ иҷро кунанд. Қисми асосии либоси шахсоне, ки президентро пешвоз мегиранд, бояд сафед бошад.