Qırım akimiyetinde qumar zonası içün topraq qıdıruv grubunı meydanğa ketirdiler
Vesiqada bildirilgeni kibi, Qırımnıñ baş naziri muavini Vitaliy Nahlupin iş grubunıñ yolbaşçısı oldı. Ondan ğayrı oña Qırımnıñ Rusiyege tabi yaqarlıq ve energetika naziri Vadim Belik, yarımadanıñ Mesken-kommunal hizmetleri nazirliginiñ yolbaşçısı Marina Gorbatük, Qırım Qurucılıq nazirliginiñ reisi Sergey Kononov ve Qırımnıñ baş mimarı İrina Solovyova kirdiler.
2017 senesiniñ dekabrinde Kremlniñ kontroli altında bulunğan Qırım parlamenti qumar biznesi içün bergi derecesiniñ eki qat arttırılması aqqında qanun leyhasını tasdiqladı.
2014 senesi iyülniñ 23-nde Rusiye prezidenti, qumar zonalarını meydanğa ketirmege ruhset berilgen bölgeler cedveline ilhaq etilgen Qırımnı kirsetken qanunnı imzaladı.
Qırımnıñ Rusiyege tabi yolbaşçısı Sergey Aksönov, bu zonanıñ, Yaltanı ve yarımadanıñ cenübiy yalı boyundaki bir qaç ufaq meskün yerini içine alğan Büyük Yaltanıñ territoriysaında olacağını bildirdi.