Yanvarniñ 12-nde Kefede beş qırımtatar faaliniñ mahkemesi ötkerilecek
«Mustafayev R.N. -11.00de, mahkemeci Gurova, Mustafayev E.N. -11.00de mahkemeci Terentyeva, Urimov A.S.-11.30da, mahkemeci Gurova, Dani E.A. – 12.00de, mahkemeci Terentyeva, Rustemov R.İ. – 12.00de, mahkemeci Gurova», – dep yaza o.
2017 senesi oktâbrniñ 14-nde yarımadada küç idareleriniñ qırımtatarlar ve musulmanlarğa nisbeten yapqan repressiyalarına qarşı bir kişilik piketler ötkerilgen edi. Keççe işbu piketlerniñ iştirakçileri rusiyeli mahkemeciler tarafından para cöremesinen cezalanğan edi.
Rusiye işğalinden soñ, Qırımda mustaqil jurnalistler, cemaat ve qırımtatar milliy areketiniñ faalleri, qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.