Պեսկովը դատապարտել է ԱՄՆ Կոնգրեսի հանձնաժողովի կազմած զեկույցը
Այդ հայտարարությամբ նախագահ Վլադիմիր Պուտինի խոսնակ Դմիտրի Պեսկովն անդրադարձել է ամերիկյան Կոնգրեսի արտաքին հարաբերությունների հանձնաժողովի ավագ դեմոկրատական անդամ Բեն Քարդինի նախաձեռնությամբ պատրաստված զեկույցին:
Պեսկովի փոխանցմամբ, նմանօրինակ մեղադրանքները վնաս են հասցնում ռուս-ամերիկյան հարաբերություններին և դառնում եմ մոլուցք, որը խոչընդոտում է բնականոն կյանքն ու հանրային զարգացումը:
«Մենք կարող ենք միայն ափսոսանք հայտնել Ռուսաստանի դեմ շարունակվող այդ քարոզարշավի կապակցությամբ և ևս մեկ անգամ հիշեցնել, որ մեր երկրին ներկայացված բոլոր մեղադրանքները բացարձակապես մերկապարանոց են և անհիմն»,- ասել է Պեսկովը:
Ամերիկյան Կոնգրեսում դեմոկրատականների կազմած զեկույցի համաձայն, Ռուսաստանը փորձում է խարխլել արևմտյան աշխարհի դեմոկրատական հաստատությունների հիմքերը, մինչդեռ, նախագահ Դոնալդ Թրամփը չի կարողանում հակազդել այդ գործողություններին:
«Նախկինում երբևէ ԱՄՆ նապագահներն այդքան ակներև չեն անտեսել Միացյալ Նահանգների ազգային անվտանգությանը սպառնացող վտանգը»,- ասվում է զեկույցում: