Акциз солиғи 5 баробар камайганига қарамай автомобиллар нархи арзонлатилмайди
Аввалроқ GM O’zbekiston ишлаб чиқараётган автомобиллар учун акциз солиғи миқдори 5 фоиздан кўпроққа камайтирилган ва 27 фоиздан 5 фоизга туширилгани хабар қилинган. Бунинг ортидан автомашиналар нархи ҳам арзонлаши тўғрисида тахминлар пайдо бўлган эди.
GM O’zbekiston ширкатининг расмий маълумотида айтилишича, 2017 йилнинг 5 сентябридан бошлаб валюта конвертациясига рухсат берилгач, ўзбек сўмининг долларга нисбатан қадри кескин тушиб кетгани ортидан, Ўзбекистонда ишлаб чиқарилган автомашиналар нархи кўтарилиб кетишининг олдини олиш мақсадида акциз солиғи 5 фоиз қилиб белгиланган.
Марказий банк 2017 йил 5 сентябрдан бошлаб, ўзбек сўмининг бир АҚШ долларига нисбатини 4210 сўмдан 8100 сўмга туширган эди.