Кўнгилларни ўртовчи сурат: Аргентиналик қизалоқ кўлмакдан сув ичишга уринмоқда...

Интернетда пайдо бўлган мазкур суратда +37 даражали ҳаво ҳароратида митти қизалоқнинг ерга эгилиб олганча лойқа кўлмак сувидан ичига уринаётганини кўриш мумкин.Сурат маҳаллий журналист Миг Риос томонидан Аргентинанинг шимоли-шарқий томонида жойлашган Посадас шаҳрида кадрга муҳрланган.

“Мамлакат жазирамадан азоб чекаётган пайт, ушбу митти гуарани қизалоқ ердаги ифлос сувдан ичишга мажбур. Бизнинг жамиятининг ниманидир нотўғри қиляпти – дейди Риос. – Нима учун бу суратни эълон қилдим? Ҳамиша рад этилган муаммолар ҳақида гапиришни бошлаш учун. Бирор нарса қилиш ўрнига бу болалар томонга пул ташлаб ўтишда давом этяпмиз”.

Кўринишидан 4 ёшли бу қизалоқ маҳаллий Гуаранилардан бўлиб, улар ўз фарзандларидан тиланчилик қилиш учун фойдаланадилар. Бу ердаги аҳоли тиланчилик орқали қишлоқдаги ишларни қилиб топадиган пулларидан кўпроқ мабағ ишлашади.

Хабарда айтилишича, сурат интернетда тарқала бошлагач, фойдаланувчилар томонидан беэътибор қолдирилмади. Мигнинг ҳамкасби эса суратдаги қиз ва унинг дўстларини излаб, болалар учун керакли буюмлар, озиқ-овқат маҳсулотлари ва албатта, тоза ичимлик суви билан йўлга чиқди.