Հնդկաստանում տղամարդը հրկիզել է իր երկու կանանց՝ իր մորը «երջանկացնել չկարողանալու» համար (տեսանյութեր)
Հնդկաստանի Ռաջաստան նահանգի 30-ամյա բնակիչը հրկիզել է իր երկու կանանց՝ բացատրելով ոստիկանությունում, որ կանայք չկարողացան երջանիկ դարձնել իր մորը:
The Daily Mail-ի տվյալների համաձայն՝ Դիպա Ռամ անունով տղամարդը խաբեությամբ կողպել է կանանց՝ 25-ամյա Դարիային և 27-ամյա Մալիին մեքենայում՝ ասելով, որ իրենք գնում են ոսկերչական իրեր գնելու: Նա հրկիզել է ավտոմեքենան և անցորդներին ասել, թե չգիտի հրդեհի պատճառի մասին և որ իրեն մի կերպ է հաջողվել ողջ մնալ:
Ոստիկանության աշխատակիցները ենթադրել են, որ հրդեհման պատճառ է դարձել ավտոմեքենայի անսարքությունը, սակայն ավելի ուշ Դիպա Ռամը պատմել է քննիչներին, որ ինքն է հրդեհել այն:
Տղամարդու խոսքով՝ այս հանցագործության պատճառը կանանց հետ անընդհատ վեճերն էին: Դրանից բացի, Դարիան և Մալին դուր չէին գալիս նրա մորը:
Նշվում է, որ տղամարդը երեք երեխա ունի իր մահացած կանանցից: The Times of India-ն մանրամասնում է, որ հրդեհի ժամանակ որդիներից մեկը եղել է ավտոմեքենայի մեջ, սակայն հայրը փրկել է նրան, և այժմ երեխան գտնվում է հիվանդանոցում:
Դեռևս անհայտ է՝ ինչ պատիժ է սպասվում հանցագործին: