Кремль Рамзан Қодировнинг АҚШ қора рўйхатига киритилганига жавоб қайтармоқчи
Бундай жавобнинг қандайлигига ойдинлик киритмаган Песков¸ ўзаро мутаносиблик принципига амал қилинишини билдирди. Айни пайтда Кремль матбуот котиби¸ АҚШда Қодировга тенг келадиган одамлар жуда камлигини қўшимча қилди.
“Магнитский рўйхати” АҚШ Конгрессининг 2012 йилги “Магнитский акти” асосида тузиладиган рўйхат бўлиб¸ АҚШ Молия вазирлиги унга кенг кўламли коррупция ва инсон ҳақларини топташга бевосита алоқадор шахсларни киритиб келмоқда.
Рўйхат Россиядаги коррупцияни фош қилиши ортидан ҳибсга олиниб¸ Москва тергов изоляторида ўлган юрист Сергей Магнитский номи билан аталади.
АҚШ ҳукуматининг сўнгги қарори билан бу рўйхатга Рамзан Қодиров ва яна тўрт россиялик киритилди.