Կասիլյասը ցանկանում է հեռանալ «Պորտուից»
Պորտուգալական «Պորտուի» դարպասապահ Իկեր Կասիլյասը ցանկանում է լքել ակումբն այս ձմռանը:
«A Bola»-ն հայտնում է, որ իսպանացին առաջիկա օրերին իր մտադրության մասին կհայտնի ակումբի ղեկավարներին: 36-ամյա դարպասապահը կորցրել է տեղը թիմի հիմնական կազմում և սա է նման որոշում կայացնելու հիմնական պատճառը:
Կասիլյասը, ով ցանկանում է մշտական խաղաժամանակ ստանալ, դիտարկում է «Պորտուի» կազմում մնալու տարբերակը միայն այն դեպքում, երբ կդառնա թիմի հիմնական դարպասապահ:
Հոկտեմբերին «Ռեալի» նախկին ավագի և Սերժիու Կոնսեյսաուի միջև վեճ է տեղի ունեցել, որից հետո Կասիլյասը միայն մեկ անգամ է հայտնվել պորտուգալական ակումբի կազմում: