Иртәгә юеш кар һәм яңгыр явачак
Иртәгә, 15 гыйнварда, Татарстанда һәм аның башкаласында болытлы һава торышы саклана, юеш кар явуы көтелә, синоптикларның алдагы көнгә фаразы шундый.
Киләсе төндә Казанда 1-3 градус суык булачак. Иртәгә көндез һава температурасы +1 белән -1 градус арасында тирбәлә. Төнге һәм көндезге сәгатьләрдә шәһәрдә юеш кар һәм яңгыр явачак. Татарстанның күпчелек районнарында бераз кар, юеш кар явачак, җилнең тизлеге артык югары түгел. Юлларда бозлавык. Һава температурасы төнге сәгатьләрдә 5 градуска кадәр суыта. Көндез максималь һава температурасы 2 градус җылыдан 3 градуска кадәр салкын булачак.
Җомга көнне, 16-нчы гыйнварда, Татарстанда болытлы һава торышы саклана, вакыты белән кар явачак. Төнлә минималь һава температурасы һәм көндез максималь һава температурасы 2-7 градус суык булачак. Юлларда бозлавык саклана.