Балык бистәсе районы авыл хуҗалыгында уңышлары белән уртаклаша
Соңгы елларда районыбызда авыл хуҗалыгы производстосының киң куәтен арттыру, эштә заманча яңа технологияләр куллану үзенең уңай нәтиҗәләрен бирә башлады. Узган ел йомгаклары да күңелгә хуш килерлек булды. Болар хакында һәм алда торган уй-планнар, максатлар турында район авыл хуҗалыгы идарәсе җитәкчесе Камил Гаязов безгә түбәндәгеләрне сөйләде.
–Узган ел без алдагы еллар белән чагыштырганда күпкә яхшырак эшләдек, 810 миллион сумлык авыл хуҗалыгы продукцияләрен реализацияләдек. Берүк вакытта, бер гектар сөрүлек җирдә җитештерелгән табыш күләме дә 30 процентка артты, ягъни 9563 сум тәшкил итте. Районыбызда узган ел без 43 мең гектар мәйданда бөртекле культуралар чәчеп үстердек. Барлыгы 104 мең тоннадан артык ашлык җитештерелде һәм һәр гектардан уртача уңыш 24 цетнердан артып китте.
Производствода алдынгы технологияләрне киң куллану һәм хезмәтне заман таләпләре югарылыгында оештыру нәтиҗәсендә “Масловский” хуҗалыгы бөртеклеләрнең һәр гектарыннан 33, “Логос” –31, “Зюзино”, “Кама агро” хуҗалыклары –29-25 әр цетнер уңыш җыеп алдылар. Игенчелектә “Н.Шәмсетдинов”, “Н.Закирова” кебек фермерлык хуҗалыклары да югары нәтиҗәләргә ирештеләр.
Яхшы сыйфатлы азык базасы туплау терлекчелек продуктлары җитештерү күләмен шактый арттырырга мөмкинлек бирде. Узган ел һәрбер шартлы терлеккә испләгәндә уртача 27 цетнердан артык тупас һәм сусыл азык берәмлеге хәзерләнгән иде. Терлек азыгы хәзерләүдә “ВЗП”, “Масловский” хуҗалыклары һәм кайбер фермерларыбыз аеруча нәтиҗәле эшләделәр.
2015 нче ел уңышына ышанычлы нигез салу ниятеннән узган ел 10,5 мең гектар мәйданда көзге чәчү үткәрелде. Аның 3,9 мең гектарын көзге бодай, 6,2 мең гектарын көзге арыш, 400 гектарын третикале культуралары алып тора. Шунысын да искәртеп үтү уңышлы булыр, 2015 ел уңышы өчен районыбызда барлыгы 12 мең тонна чәчүлек орлыгы хәзерләнде.
Идрис Аметов.
Бу язманың тулы вариантын газетадан укый аласыз.
Фото редакция арихивыннан алынды.