Зәйдә җәмәгать судьясы итеп элеккеге тикшерүче билгеләнде
Моңа кадәр Зәйдә Татарстан буенча Россия Федерациясе тикшерү комитетында өлкән тикшерүче, бүлек җитәкчесе урынбасары булып эшләгән Сергей Трошин җәмәгать судьясы вәкаләтләрен үтәүгә кереште. Сергей Александровичның хезмәт юлы “КамАЗ - Автоагрегат” заводында эшләүдән башлана. Ул салым полициясе тикшерүчесе, Зәй шәһәр прокуратурасы өлкән тикшерүчесе булып та эшли. Кыскасы, җәмәгать судьясы вазыйфасын башкаруга, зур тәҗрибә туплап килде.