ЙКЪАРУИ ЙЧХIАРИ АЙГIАЙРАКВА ЙРЫЩАТАПI
ЙагIвсыз асквш Россияла йгьи адунейла йакIвшаз анкъвакъвра ква йрапхъагылагIвхаз, амедальква, акубокква гIазквнадыргаз хIспорт сменква ргIатгараквала швабыжта хIдыргвыргъьатI. Ауаса дахIврала тшауацIызхуа хIспорт
смен шIаква дрыуапI FCF MMA «Полноконтактный рукопашный бой» йадкIылу КIЬЫЩМАХВА Марат ХIаджьмурат йпа. Ауи асквш 2001, мартI а 21 агIан Псыжв кыт дйытI, дсабита аспорт тшадикIылтI.
– Псыжв йапхъахауа апхьарта йапхъахауа акласс сыцIата тхэквондола абжьагIвы ХIаткъваРустам дыздынхалуазасабиква срыцта атшы
бжьараква акIвсыршауасалагатI. СквшквакIлабзита сщаквгылтI. Ростов,Нальчик, Майкъвап городква рпны йакIвшузтхэквондола ЮФО, СКФОапхъагылара анкъвакъвраква рпны йызнымкIваайгIайраква гIатызгатI,–йхIвитI КIьыщмахва Марат.
Ауи йбыжьбахауа аклассдза тхэквондо далан. УадыргIвана йанща бдокъва Къапльан напIыла абакIра дхънайрыхын, Черкесск город «Мамлюк» спорт клуб дшнарахвуашла абжьагIвчва тшырзынайырхатI. Ауаъа зынла днарахвтI, ужвы FCF MMA «Полноконтактный рукопашный бой» спорт квпшырала йагъьу абакIыгIвчва дрылапхьадзапI.
АчкIвын «Мамлюк» спорт клуб абжьагIвчва Агырба Эдуард, Эркенов Мурат швабыжта дырзыразпI. КIьыщмахва Марат Россияла йгьи адунейла йакIвшауа анкъвакъвраква дрылалуата данщаквгыл айгIайраква дырзычIвырхъауата къару, чхIара гIайырбауа далагатI. Асквш 2016 ноябрь агIан Кисловодск город йакIвшаз «Полноконтактный рукопашный бой» (FCFMA) спорт квпшырала Азия ачемпионат апны килограмм 50 зхIатлару аспортсменква рацкIыс дымчхъахатI. Марат СНГ акъральква, Россия ашIыпIаква йгIартыцIыз аспортсменква йрыуата дзыцайсыз зымгIва драйгIайын апхъагылара йкIытI.
Асквш 2016, декабрь 17–18 Кисловодск город апны КIьыщмахва Марат дыздкIылу аспорт квпшырала Россия ачемпионат акIвшатI. Марат хIреспублика ахьызла анкъвакъвра йалаз аспортсменква дрылата ауаъагьи бзита тшгIайырбатI. Ауи апхъагылара дазабакIуата къару, чхIара ду гIайырбатI, дызцайсыз рацкIыс дымчхъахатI. Марат анкъвакъвра апхъагылара йазалху акубок йгьи медаль гIайквнадыргатI.
КIьыщмахва Марат апхьарагьи аспортгьи адикIылитI. Ауи цIыпх Псыжв йапхъахауа апхьарта йжвбахауа акласс дангIалга МЧС аъачIвагIа гIалихын, Черкесск йбыжьбахауа технология колледж дыцIалтI, агвжважвагIва уысква йрылашвауа ауагIа зхчауа ъачIвагIагIвта дапхьитI.
Марат ужвы ари асахIат сынчIва февраль а-18 Кисловодск город йгIахъыртIуаш «Global Fiqht Zone» дуней турнир тшазирыхIазыруата атшыбжьараква акIвйыршитI. Ауи аспорт апны агIатгара дуква дырзычIвырхъитIта, дъацалакIгьи айгIайраква гIатигауа тшауацIихырныс йзыхIтахъпI.