26-27 июньгә һава торышы һәм ай календаре
26 июньдә Татарстанда алмашынучан-болытлы, явым-төшемнәрсез һава торышы була. Төньяктан, төньяк-көнбатыштан уртача тизлектә җил. Төнлә һава температурасы +10..+15˚, көндез +20..+25˚ градус.
27 июньдә Татарстанда алмашынучан-болытлы һава торышы була. Төнлә явым-төшемнәрсез. Иртән һәм көндез яңгыр, урыны белән яшенле яңгыр явачак. Көнбатыштан, төньяк-көнбатыштан уртача тизлектә, көндез урыны белән 15-18 метр тизлектә көчле җил. Төнлә һава температурасы +8..+13˚, көндез +20..+25˚ градус.
Кимүче ай, ай игезәкләр йолдызлыгында.
Яшелчәләрне сирәкләргә була. Помидор һәм борычның астагы артык ботакларын сындырып алырга кирәк. Кяр, ташкабак, помидорның саргайган яфракларын, бакча җиләгенең артык мыекларын өзеп ташларга була. Лалә, гиацинт һәм башка вак суганчалы чәчәкләрне казып алу өчен уңай вакыт.