Բայրամովն ընդունել է հայ-ադրբեջանական հարաբերությունների կարգավորման հարցերով ՌԴ ԱԳ նախարարի հատուկ ներկայացուցիչ Իգոր Խովաևին
Փետրվարի 14-ին Ադրբեջանի արտաքին գործերի նախարարի պաշտոնակատար Ջեյհուն Բայրամովն ընդունել է ադրբեջանա-հայկական հարաբերությունների կարգավորման հարցերով ՌԴ ԱԳ նախարարի հատուկ ներկայացուցիչ Իգոր Խովաևին։
Այս մասին, ինչպես փոխանցում են ադրբեջանական լրատվականները, ասված է Ադրբեջանի արտաքին գործերի նախարարության հաղորդագրության մեջ։
Հանդիպմանը քննարկվել են Ադրբեջանի և Հայաստանի միջև խաղաղ գործընթացի ներկա վիճակն ու հեռանկարները, տարածաշրջանում տեղի ունեցած վերջին իրադարձությունները, տարածաշրջանային այլ հարցեր։
Ինչպես նաև մտքեր են փոխանակվել նաև փոխադարձ հետաքրքրություն ներկայացնող այլ հարցերի շուրջ։