Դավաճանն իրավունք չունի մնալու և գոյատևելու այստեղ․ վերջ Նիկոլին․ շուռնուխցի (տեսանյութ)
Սյունիքը ձեզ հետ է: Այսօր այս ժողովուրդը հավաքվել է և իր սրտի խոսքն է ասում, և ես էլ եկել եմ իմ խոսքն ասելու: Այս պետության մեջ դավաճանությունը տեղ չունի: Այս մասին այսօր Երևանի Ազատության հրապարակում «Հայրենիքի փրկության շարժման» հանրահավաքի ընթացքում իր ելույթի ժամանակ ասաց Սյունիքի Շուռն համայնքի բնակիչ Անդրանիկ Աղաբեկյանը:
Նրա խոսքով՝ Հայոց պատմության մեջ սա բացառիկ դեպք է, երբ երկրի ղեկավարը երկրի դարպասները բացում է և թունավորում իր ժողովրդին: «Դավաճանն իրավունք չունի մնալու և գոյատևելու այստեղ: Վերջ Նիկոլին: Այդ «Դուխով»-ը մեզ այս օրին հասցրեց, փորձեք թասիբով ու նամուսով լինել»,– ասաց նա:
Նշենք, որ Ազատության հրապարակում տեղի է ունենում Հայրենիքի փրկության շարժման նախաձեռնած հանրահավաքը։ Օրը պատահական չէ ընտրված՝ 1988 թվականի հենց այս օրը մեկնարկեց արցախյան շարժումը։ Հանրահավաքին եկած քաղաքացիները պահանջում են Նիկոլ Փաշինյանի հրաժարականը։
Հիշեցնենք, որ Նիկոլ Փաշինյանը նոյեմբերի 10-ին ստորագրել է եռակողմ հայտարարություն, որով Ադրբեջանին են անցնեց Արցախի յոթ շրջանները, Շուշին ու Հադրութը՝ բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։
Կապիտուլյացիոն ակտի ստորագրման և GPS-ով սահմանազատումների հետևանքով ադրբեջանական տարածք են անցնում նաև ՀՀ Սյունիքի մարզի որոշ հատվածներ: