Մասնագետները հայտնել են՝ որ մասնագիտություններն են առավել պահանջված լինելու կորոնավիրուսի համավարակից հետո
Ռուսաստանում Առաջադիմական կրթության ինստիտուտի մասնագետները հայտնել են, թե որ մասնագիտությունները կորոնավիրուսի համավարակից հետո առավել պահանջված կլինեն, գրում է «ՌԻԱ Նովոստի» գործակալությունը։
Աղբյուրը մանրամասնում է, որ կորոնավիրուսի համավարակի հետևանքով սահմանված կարանտինային ռեժիմի ընթացքում հատկապես կավելանա ծայրահեղ իրավիճակներում ձեռնարկությունների առաջխաղացման համար հակաճգնաժամային խորհրդատուների, ինչպես նաև անձնական ֆինանսների հարցով խորհրդատուների պահանջարկը։
Այս ամիսների ընթացքում ընկերությունների թվայնացումը և հեռակա աշխատանքային ռեժիմին անցումը կհանգեցնի թվայնացման գործընթացների գծով փորձագետների, SMM և կոնտենտ մենեջերների, ծրագրավորողների, ինչպես նաև ժամանակի ճիշտ կազմակերպման մասնագետների պահանջարկի մեծացմանը։
Գործատուները կսկսեն նաև զանգերի կենտրոնների խորհրդատուներ, համացանցային աշխատակիցներ և առաքման ոլորտի աշխատողներ փնտրել։ Ինքնամեկուսացման երկար ժամանակահատվածը կխթանի նաև հոգեբանների պահանջարկի մեծացումը։ Ուշադրությունից անմասն չեն մնա նաև կենցաղային ծառայությունների ոլորտում աշխատող մասնագետները։