Ռուս բժիշկները կփորձեն օգնել հազվագյուտ հիվանդություն ունեցող երեխային, որին համացանցում անվանում են «Բեթմեն», «հրեշ» և «թիթեռնիկ»
Ռուս բժիշկները պատրաստ են օգնել ԱՄՆ-ի փոքրիկ բնակչուհուն` Լունա Ֆեներին, որն ունի հազվագյուտ հիվանդություն: 1,5 տարեկան աղջնակի դեմքն ի ծնե պատված է մեծ նշանով, ինչի հետևանքով համացանցում երեխային անվանում են «Բեթմեն», «հրեշ» և «թիթեռնիկ»: Այս մասին հայտնում է Zvezda հեռուստաընկերությունը:
Ամերիկացի բժիշկները հայտնել են, որ երեխային բուժելու համար հարկավոր է կատարել լազերային 80 վիրահատություն, որի համար ծնողներն ստիպված կլինեն վճարել շուրջ կես միլիոն դոլար, որը նրանք չունեն: Ռուսաստանում` Կրասնոդարի հիվանդանոցում, առաջարկում են մեղմ թերապիայով բուժում, որի համար կպահանջվի 7 վիրահատություն և ավելի քիչ գումար:
Նշվում է, որ բացի այն հանգամանքը, որ խալը փակում է երեխայի դեմքի կեսը, այն կարող է նաև վերածվել մաշկի քաղցկեղի: Աղջկա մայրը` Քերոլը, հայտարարել է, որ խոսել է ռուս վիրաբույժների հետ, ուսումնասիրել է նրանց աշխատանքները և պատրաստ է փոքրիկին վստահել նրանց: