Ирина Волынец Көнчыгыш икътисади форумында Татарстан стенды белән соклануын белдерде
Татарстан Көнчыгыш икътисади форумында аерым стенд тәкъдим итте. Ул Ерак Көнчыгыштан булмаган бердәнбер төбәк иде.
Аның мәйданчыгы Ерак Көнчыгыш федераль университеты катларының берсендә уртада урнашкан һәм тере чәчәкләрдән ясалган панно катнашучыларның карашларын үзенә җәлеп итеп тора. Бу хакта, Көнчыгыш икътисади форумы - 2023 турында тәэсирләре белән уртаклашып, Татарстан Республикасында Бала хокуклары буенча вәкаләтле вәкил Ирина Волынец сөйләде.
«Экспонентлар арасында Татарстан стенды игътибарны аеруча җәлеп итә, - дип язган ул үзенең телеграм-каналында. - Һәм бу аның төп корпус катларының берсенең үзәгендә торуында гына түгел <...>. Үзенчәлеге шунда: Татарстан - Ерак Көнчыгыштан булмаган Россия субъектларыннан Көнчыгыш икътисади форумына аерым стенд алып килгән бердәнбер субъект. Бу да күп нәрсә турында сөйли».
Форум кунакларында Татарстан Рәисенең булуы да кызыксыну тудырды. Рөстәм Миңнеханов белән фотога төшү өчен стенд янында алдан чират тезелде. «Чын популярлык менә шунда күренә инде», — дип билгеләп үтте Волынец.