Саратов янында егермеләп машина бәрелешкән, 15 кеше имгәнгән
Бүген Сызрань – Саратов юлында Хвалынск районында егермегә якын машина бәрелешкән. Бу хакта РИА Новости хәбәр итә.
Юл-транспорт һәлакәте аркасында 15 кешене хастаханәгә китергәннәр, аларның берсе анда калудан баш тарткан.
Агентлык мәгълүматлары буенча, өч бала имгәнгән. 14 яшьлек баланың баш мие җәрәхәтләнгән, ул авыр хәлдә. Калган балаларның тән әгъзалары сынуы ачыкланган.