Мәскәүдә тарихчы Александр Черёмин татар музыка коралларына багышланган дәрес үткәрәчәк
Бүген, 4 мартта, Мәскәүдә Татар мәдәни үзәгендә татарларларның традицион музыка коралларына багышланган лекция узачак. Мәскәү татарлары автономиясе сайты шул турыда хәбәр итте.
Татар музыка кораллары турында тарих фәннәре профессоры, лектор, язучы, Россия һәм күрше дәүләтләр тарихы буенча бәйсез эксперт Александр Черёмин сөйләячәк. Лекция мәдәни үзәкнең китапханәсендә 16:00 сәгатьтә башлана.
- Александр Черёмин 1958 елда Әстерханда туган. Мәскәү дәүләт тарих-архив институтын тәмамлаган. 1998 елда ул Россия туган якны өйрәнүчеләр берлегенең җаваплы секретаре итеп сайлана. «Правда о Великой Отечественной войне. Из истории 349-й стрелковой дивизии», «Награды СССР за военные заслуги», «Священная Дружина. Антитеррор». Ул Россия һәм чиктәш дәүләтләр тарихы буенча 385тән артык публикация авторы.