Экологлар Кайбыч районында агулы кар өемнәре тапкан
Кайбыч районында пычрак кар ташылган ике зур кар чүплеге табылган. Экологлар Кайбычта яшәүчеләрнең шикаятьләреннән соң шул җирне тикшерде, дип хәбәр итә Татарстанның Экология һәм табигать ресурслары министрлыгының матбугат хезмәте.
Кар Закиров һәм Гыйсмәтуллин урамнарында 5,5 мең квадрат метр мәйданга түгелгән. Тикшерү анда хлоридлар (21,8 тапкыр), нефть продуктлары (1,8 тапкыр), сульфатлар (2,6 тапкыр) һәм фосфатларның (3,2 тапкыр) тиешледән артыграк күләмдә булуын күрсәткән.
«Карны Олы Кайбыч авыл җирлеге башкарма комитеты билгеләгән кар чүплекләренә чыгарганнар. Әмма бу мәйданчыкта каты катлам һәм ваклагычлар юк, өстәвенә, торак төзелешеннән 10 метр ераклыкта урнашкан. Барлык материаллар Кайбыч районы прокуратурасына тапшырылды», – дип хәбәр итә ведомство.
Министрлыкта искәртүләренчә, экотоксикантлар күп күләмдә булган кар складлары халык һәм әйләнә-тирә мохит өчен куркыныч тудыра.