Рөстәм Миңнеханов СИБУРның Татарстанда эшчеләрнең хезмәт шартларын яхшырту эшен бәяләде
Татарстанга килгәч үк СИБУР компаниясе үз хезмәткәрләренең эш шартларын яхшырту программасын башлап җибәрде. Аңа баланслы туклану, яңа ашханәләр, уңайлы кием, медицина инфраструктурасы һәм эшчеләргә комфортны һәм иминлекне арттыру өчен башка инициативалар керә. Бүген Татарстан Республикасы Рәисе Рөстәм Миңнеханов компаниянең бу юнәлештәге эшен бәяләде.
«СИБУР компаниясе Татарстанда үз заводларының персоналы өчен зур эш башкарды. Ашханәләр тәртипкә китерелде, вахталар, шәхси саклану чаралары. Моның өчен бик зур рәхмәт», – диде ул, Татарстан Республикасы Сәнәгать һәм сәүдә министрлыгы коллегиясенә багышланган күргәзмәдә компания стендын карап чыккач.
«СИБУР-РТ» генераль директоры Алексей Никифоров сөйләгәнчә, инде эшләнгән программалар җыелмасы – яңа автобуслар, ашханәләр, медицина инфраструктурасы, эш киеме һәм башкалар – 5,5 миллиард сумга бәяләнә.
Былтыр СИБУРның Татарстандагы предприятиеләрендә эшләүчеләрнең хезмәт хакы 30 процентка арткан. Гыйнвар аеннан башлап Татарстанда компаниядә эшләүчеләр хезмәткә түләүнең бердәм системасына күчкән. 2022-2023 елларда Татарстанда СИБУР предприятиеләрендә ел саен хезмәткә түләү фондының (ФОТ) кумулятив үсеше якынча 6,2 миллиард сум тәшкил итәчәк.