Татарстанда 145 миллион сум салым түләмәгән фирма директорына җинаять эше ачылган
Татарстандагы бер фирманың директорына карата аеруча зур күләмдә салым түләүдән качу турында җинаять эше кузгатылган. Татарстан Республикасы буенча Эчке эшләр министрлыгының матбугат хезмәтендә шул турыда хәбәр иттеләр.
Россия Тикшерү комитетының Татарстан Республикасы буенча идарәсе җитәкчесенең өлкән ярдәмчесе Андрей Шептицкий хәбәр иткәнчә, 2017 елдан 2020 елга кадәр ир-ат салым декларацияләренә һәм башка документларга 24 контрагент белән мөнәсәбәтләр турында ялган мәгълүматлар керткән.
Шул рәвешле ул оешманың НДС һәм табыштан түләнергә тиешле салымнан качкан, сумма 145 миллион сумнан артып китә.
Татарстан Республикасы буенча Эчке эшләр министрлыгы мәгълүматы буенча, хокукка каршы булган эшчәнлекне дөрес планлаштырылган тикшерү нәтиҗәсендә ачыклаганнар. Тикшерү ТР буенча Эчке эшләр министрлыгының Икътисади куркынычсызлык һәм коррупциягә каршы көрәш идарәсе хезмәткәрләре һәм ТР буенча Федераль салым хезмәте идарәсе белән берлектә үткәрелгән.