Свердловск өлкәсендәге Березовский шәһәрендә милли музей ачылды
19 февральдә Березовский шәһәрендә «Милли йорт» милли музее ачылды. Музейда көнкүреш әйберләре, киемнәр, савыт-саба, китаплар, Урал татарлары журналлары тәкъдим ителде. Татарстан Республикасының Свердловск өлкәсендәге Даими вәкиллеге шул турыда хәбәр итте.
Музей ачылышында Татарстан Республикасының Свердловск өлкәсендәге Даими вәкиле Хәйдәр Гыйлфанов, Березовский шәһәр округы башлыгы Евгений Писцов, Березовский шәһәр округы Думасы Рәисе Алексей Горевой, «Березовский рудник» оешмасы генераль директоры Фәрит Нәбиуллин, Свердловск өлкәсе мөселманнарының Төбәк Диния нәзарәте җитәкчесе Рәдифулла хәзрәт Гиндуллин, «Курай» ансамбле, шәһәр татар җәмәгатьчелеге катнашты.
Татарстан Ресрубликасы Премьер-министры Илдар Гыйлфанов музейга татар нәфис әдәбияты комплектын тапшырды.
«Милли йорт» милли музее Березовский шәһәрендә Маяковский урамы, 3-а йортта урнашкан.