Башкортстанда Тәскирә Даянованың балалар китабы Брайль шрифты белән басылган
Башкортстанның М.Төхвәтшин исемендәге сукырлар өчен махсус китапханәсенең тифлонәшрият бүлегендә Тәскирә Даянованың балалар китабы чыкты. Ул Брайльнең рельефлы-нокталы шрифты белән басылган. Башкорт телендәге китап рельефлы рәсемнәр белән тулыландырылган.
Башкорт балалар язучысы, драматург, Башкортстан Язучылар берлеге әгъзасы, Рәшит Әхтәм һәм Мәхмүт Кашгари исемендәге премия лауреаты Тәскирә Бәйрәм кызы Даянова 1948 елның 10 гыйнварында Башкортстан АССРның Мәчетле районында туган. Бу хакта «Башинформ» хәбәр итә.
«Авторның әсәрләре халык телендә язылган һәм җиңел укыла. Аның әсәрләре гади, милли, гаилә идеалларына бирелгәнлеге һәм урта һәм өлкән мәктәп яшендәге балаларга аңлаешлы булуы белән аерылып тора», диелгән хәбәрдә.
Техник эшкәртү процессыннан соң китап сукырлар өчен китапханә фондына һәм республика шәһәрләрендә махсус китапханә филиалларына таратылачак.