Новости за 10.03.2023

14-26 мартта Татарстан Милли музеенда Нәүрүз бәйрәменә багышланган «Яз килә – язга юл» дип аталган бәйрәм программасы була. Музейга килүчеләрне квест, мастер-класс, халык уеннары һәм тәм-томнар көтә. Бу хакта Бөтендөнья татар конгрессының матбугат хезмәте хәбәр итә.

Казанда 35 яшьлек Магадан кешесенә хөкем карары чыгарылды. Суд ир-атны кеше талауда гаепле дип тапты. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте.

«Әкият» курчак театры «Кәҗә белән Сарык» спектакле белән Татарстан районнарына гастрольләргә чыга.

Татарстан Рәисе Рөстәм Миңнеханов V «ТатАгроЭкспо 2023» махсуслаштырылган авыл хуҗалыгы күргәзмәсе кысаларында Ростсельмаш компаниясенең зур күргәзмә стенды белән танышты.

Россиядә биометрик чит ил паспортларын яңадан бирә башладылар. Бу хакта «Известия» газетасы Гознак компаниясенә сылтама белән хәбәр итә.

Казан консерваториясе студентлар иҗат иткән әсәрләрне симфоник оркестр башкаруында яңгырату практикасын яңартты. «Казан композиторлык мәктәбе. Буыннар әңгәмәсе» концертында яшь композиторларның әсәрләрен Казан консерваториясенең симфоник оркестры башкарды.

Софиядә Татарстан Дәүләт фольклор музыкасы ансамбле ике концерт программасының беренчесен тәкъдим итте, ул Халыкара хатын-кызлар көнендә Болгария тамашачылары өчен үзенчәлекле бүләк булды. Россия илчелеге ярдәмендә оештырылган концертны 300дән артык кеше тамаша кылды. Бу хакта ТР Мәдәният министрлыгының матбугат хезмәте хәбәр итә.

Татарстанда алдагы ял көннәрендә циклон һәм антициклоннарның чиратлашуы нәтиҗәсендә тотрыксыз һәм, нигездә, җылы һава торышы саклана, кыска вакытка суытып та алачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Бөтенкытай халык вәкилләре җыены депутатлары Си Цзиньпинны бертавыштан Кытай Халык Республикасы рәисе итеп сайлады. Бу аның өчен өченче бишьеллык срок булачак, бу – ил тарихында беренче шундый тәҗрибә. Аны шулай ук Кытай Халык Республикасы Үзәк хәрби советы рәисе вазифасына да яңадан сайлап куйдылар. Бу хакта «Синьхуа» агентлыгы хәбәр итә.

Азамат Атнабаев Әлмәттә яши иде.

7 мартта Казанда Су спорт төрләре сараенда Россия Герое Дамир Гыйлемханов истәлегенә бокс буенча беренче төбәкара турнир узды.

Бүген, 2023 елның 10 мартында, «Мирас» IV Халыкара татар мәдәнияте фестиваль-конкурсында катнашу өчен гаризалар кабул ителә башлый. Конкурс 2023 елның 28-30 апрелендә Самара шәһәрендә узачак. Бу хакта «Самар татарлары» сайты хәбәр итә.

Махсус хәрби операция зонасына Казаннан үз теләге белән киткән видеооператор Аркадий Орешников батырларча һәлак булган.

https://tatar-congress.org/

Татар язучысы, шагыйре һәм драматургы Ибраһим Абдуллинның туган ягында, Башкортстанның Шаран районындагы Зирекле авылында, «Мин татарча сөйләшәм» интерактив конкурсы узды.

Әлеге чараны Бөтендөнья татар конгрессының Шаран районы җирле бүлеге җитәкчесе Зәбир Салахов һәм Ибраһим Абдуллин исемендәге Зирекле авылы мәктәбенең татар теле һәм әдәбияты укытучысы Сәгъдуна Сафина оештырдылар. Бу хакта Бөтендөнья татар конгрессы матбугат хезмәте хәбәр итә.

Россия Дәүләт Думасы депутаты Айдар Метшин Түбән Каманың 11нче мәктәбендә Парламент дәресе үткәрде. Дәрес «Без — Россия гражданнары» темасына үтте. 

Алабугада «Кеше приюты» («Приют человека») мохтаҗларга бушлай ярдәм күрсәтү пункты актив эшли. Февраль аенда биредә 2491 кеше кайнар аш белән тәэмин ителгән. 2022 елда пункт 21153 порция кайнар ризык тараткан һәм ике кешене эшкә урнаштырган. 

Әгерҗе районы Мәдәният сараенда узган «Тарихта без эзлебез» республика шәҗәрә бәйгесенең район этабында дүрт гаилә катнашты. Алар – Әгерҗедән Лапшиннар, Варкләд-Бодьядан Матвеевлар, Девятернядан Арслановлар, Күләгәштән Третьяковлар гаиләләре. Бу хакта «Әгерҗе хәбәрләре» сайтында хәбәр ителә.

Лаеш үзәк хастаханәсендә сәламәтлекләре буенча гаиләләре белән 8 Мартны каршылый алмаучылар өчен концерт булды. Алар өчен «С песней по жизни» һәм «Вдохновение» ансамбльләре Халыкара хатын-кызлар көне хөрмәтенә концерт куйды. Үзешчән артистлар монда дәваланучы кешеләр өчен чәчәкләр һәм бүләкләр алып килде. Бу хакта «Кама ягы» хәбәр итә.

Апас районы Түбән Барыш авылы клубында эчтәлекле чара узды. Клуб мөдире Ләйсән Зарифуллина барлык авыл халкын «Капка төбе»нә кич утырырга чакырды. Бу хакта «Апас-информ» хәбәр итә.